Parimi bazë që duhet mbajtur gjithmonë parasysh kur keni vendosur të blini apo
ndërtoni një shtëpi, është të mundoheni të përshtatni banesën me stilin e jetesës që
ka secili anëtar i familjes.

Përfytyroni se si mund të përngjajë prona e ëndrrave të secilit prej jush. A kanë
nevojë të gjithë për dhoma të veçanta? Apo preferoni të qëndroni më afër fëmijëve
tuaj dhe të keni dhoma gjumi të përbashkëta? Sa anëtarë kanë nevojë për hapësirë
të dedikuar për punë ose studim dhe sa e vlerësoni privatësinë e gjithsecilit? A i
vendos ndonjë anëtar rëndësi të veçantë privatësisë dhe ka nevojë për një dhomë
personale?
Këto janë disa pyetje që mund t’ju ndihmojnë të vendosni se çfarë duhet të ketë
patjetër shtëpia juaj e së ardhmes.
 

Një dhomë e përbashkët për të gjithë familjen

Pavarësisht se dhomat personale të secilit anëtar janë të rëndësishme, po aq të
rëndësishme janë dhe hapësirat e përbashkëta ku familja mblidhet të kalojë kohë së
bashku. Çfarë është fundja një shtëpi nëse në të nuk gjeni ngrohtësinë familjare?
E konsideroni kuzhinën si zemrën e shtëpisë dhe dëshironi të jetë dhoma më e
madhe? Apo keni nevojë për një ballkon me pamje dhe sa i madh dëshironi të jetë
ai? Dëshironi ta bëni dhomën e ndenjës dhomën tuaj kryesore dhe a mendoni se ajo
dhe kuzhina duhet të jenë të ndara? Këto janë disa pyetje të tjera që mund t’ju
ndihmojnë të kuptoni se çfarë dëshirash keni.

Kur përfytyroni një shtëpi familjare, duhet të keni në mendje gjithashtu faktin se
secilit anëtar mund t’i ndryshojnë nevojat me kalimin e kohës. Ndoshta tani për ju
nuk përbën problem t’i lini fëmijët e vegjël në dhoma të përbashkëta por duhet të
kuptoni se ata mund të duan dhoma të veçanta kur të rriten. Ose ju mbase keni
dëshirë për një dhomë lodrash të posaçme për fëmijët, por mbasi ata të rriten, çfarë
parashikoni të bëni me këtë dhomë?
Mendoni gjithmonë për pyetjet e mësipërme kur jeni në hapat e parë të blerjes së
një shtëpie. Ne si HS Construction do t’ju ndihmojmë të zgjidhni shtëpinë ideale